Ստեփանակերտի այսօրվա հրթիռակոծությունից կան տուժածներ․ Արծրուն Հովհաննիսյան (տեսանյութ)
Աջակցիր «Ա1+»-ինՍտեփանակերտի այսօրվա հրթիռակոծությունից կան տուժածներ։ Այս մասին այսօր՝ հոկտեմբերի 6-ին, մամուլի ասուլիսին ասաց ՊՆ ներկայացուցիչ Արծրուն Հովհաննիսյանը։
«Այսօր վաղ առավոտվանից նորից սկսվեց Ստեփանակերտի հրթիռակոծությունը, շարունակում են հրթիռակոծել քաղաքը, բնակելի թաղամասերը, շինությունները, ենթակառուցվածները։ Կան տուժածներ եւ վիրավորներ»,- նշեց նա։
«Ցերեկվա ժամերին նորից թեժացան մարտերը հատկապես հարավային ուղղությամբ, հակառակորդը նորից լայնածավալ հարձակման փորձեր կատարեց՝ կիրառելով հրետանային միջոցներ, զրահատեխնիկա, հետեւակ, շարժական խմբեր եւ այս կազմի հետ գործում են նաեւ ոչ Ադրբեջանի զինված ուժերի ենթակայությամբ գործող զինծառայողներ»,- նշեց նա։
Հիշեցնենք, որ համեմատաբար խաղաղ գիշերվանից հետո հակառակորդը կեսօրին վերսկսել էր Ստեփանակերտի հրթիռակոծությունը։
