Մեր դեմ պատերազմում են տեռորիստական Թուրքիան և Ադրբեջանը․ Արման Աբովյանը Ստեփանակերտից հրթիռի բեկոր էր բերել (տեսանյութ)
Աջակցիր «Ա1+»-ինԱզգային ժողովի ԲՀԿ խմբակցության պատգամավոր Արման Աբովյանն այսօր Ազգային ժողով էր եկել Ստեփանակերտից իր հետ բերած կասետային հրթիռի բեկորով։
Ազգային ժողովի հայտարարությունների ժամին պատգամավորն ասաց՝ բեկորը վերցրել է Ստեփանակերտի ծննդատան մոտից․
«Յուրաքանչյուր պետություն կամ տեռորիստական կազմակերպություն, որը կիրառում է այս զենքը խաղաղ բնակիչների հանդեպ, հանցագործ է առանց որևէ վերապահման»։
Պատգամավորը հորդորեց գնալ Ստեփանակերտ և տեսնել այս հրթիռների չպայթած բեկորները, որոնք հետո կարող են վտանգել երեխաների կյանքը․
«Մեզ հետ պատերազմում են տեռորիստական Թուրքիան և տեռորիստական Ադրբեջանը»։
Աբովյանը համոզմունք հայտնեց, որ միջազգային հանրությունը հասկանում է, որ եթե այսօր ահաբեկիչ Ալիևի, ահաբեկիչ Էրդողանի դեմ չպայքարեն, ապա ահաբեկիչները կհայտնվեն Վրաստանում, Ռուսաստանում, Եվրոպայում, Իրանում և այլուր։
