Սա հայրենական թեժ պատերազմ է, և մենք պետք է կանգնենք մինչև վերջ. Ռուբեն Ռուբինյան (տեսանյութ)
Աջակցիր «Ա1+»-ինԱշխարհն ընդունեց փաստը, որ Թուրքիան ներգրավված է պատերազմում, ընդհուպ ֆիզիկապես, նաեւ, որ տեռորիստներ են օգտագործվում հայ ժողովրդի դեմ: Այս մասին լրագրողների հետ զրույցում ասաց «Իմ քայլը» խմբակցության պատգամավոր Ռուբեն Ռուբինյանը:
Նրա խոսքով՝ դիվանագիտական առումով դա դրական է մեզ համար ու մեծ հնարավորությունների տեղ է բացում: Միևնույն ժամանակ Ռուբինյանն ընդգծում է՝ մեր դիվանագիտությունը կարող է հաջողել այն դեպքում, երբ մենք որպես ժողովուրդ պինդ կանգնենք, պինդ կանգնեն նաև մեր Զինված ուժերը.
«Միջազգային գործընկերներից ակնկալում ենք Թուրքիայի ու Ադրբեջանի ագրեսիվ, հակահումանիստական գործողությունների կոշտ քննադատություն»:
Ռուբինյանի խոսքով՝ երեկ հնչել է համանախագահ երկրների ԱԳ նախարարների ավելի խիստ կոչը, հետևաբար պետք է սպասել ադրբեջանական կողմի արձագանքին: Նա նաև համոզմունք հայտնեց, որ ԵԱՀԿ ՄԽ համանախագահ երկրները, առաջին հերթին Ռուսաստանը, կկատարի իր կարևոր դերը՝ տարածաշրջանում խաղաղություն ապահովելու:
«Պատերազմ է, թեժ է, այս պահին հարաբերականորեն կայուն է, բայց սա հայրենական թեժ պատերազմ է, և մենք պետք է կանգնենք մինչև վերջ», - ասաց նա:
