Մենք հաղթանակած դուրս կգանք, իսկ շատ երկրներ հեղինակության բարձրացում և անկում են ունենալու․Ուլիխանյան (տեսանյութ)
Աջակցիր «Ա1+»-ին«Միջազգային հանրության արձագանքը գնահատում եմ բանավոր և ըստ այդմ՝ ոչ բավարար»,-ասում է ՀՀ ԱԺ «Իմ քայլը» խմբակցության պատգամավոր Տիգրան Ուլիխանյանը․
«Կարծում եմ՝ կգիտակցեն բոլորը, որ այստեղ միայն ռազմական կոնֆլիկտ չէ, այստեղ կա ռիսկ, որ մեծ տարածաշրջանային հրդեհ է առաջանալու»։
Ըստ Ուլիխանյանի՝ ինքնուրույն և գործուն միջամտություն կարող են անել այն երկրները, որոնք ուժեղ են և ունեն դրա իրավունքը։
Պատգամավորը կիսում է համահայկական այն մոտեցումը, որ այս դեպքում տարբերակը միայն մեկն է՝ հաղթելու ենք․
«Եթե մենք բացառում ենք այլ ելքը, հետևաբար ՝ այդ այլ ելքը ընդհանրապես չի կարող տեղի ունենալ»։
Ուլիխանյանը պնդում է՝ պաշտպանվող կողմին կրակը դադարեցնելու կոչերը այլ գնահատական են ունենալու․
«Մեր գործողությունները հայրենիքի պաշտպանության գործողություններ են և դա որևէ կերպ կախված չէ միջազգային հանրության արձագանքից, այդ արձագանքը իրենց համար է հատկապես կարևոր։ Մենք հաղթանակած դուրս կգանք, բայց շատ երկրներ հեղինակության բարձրացում և անկում են ունենալու»։
Պատգամավորը վստահեցրեց՝ Հայաստանի կողմից Արցախի անկախության ճանաչման գործընթացը խորհրդարանի օրակարգում է, սակայն պետք է ճիշտ պահը գտնել այդ որոշումը ընդունելու համար։
Ուլիխանյանը պնդում է՝ Ադրբեջանը և Թուրքիան կոնկրետ տեռորիստական գործողություններ են անում։
