Չեմպիոնների լիգա. Հայտնի են խմբային փուլի բոլոր մրցակիցները

Շվեյցարական Նիոնում գտնվող Եվրոպայի ֆուտբոլի միության նստավարում կայացավ ՈՒԵՖԱ-ի չեմպիոնների լիգայի խմբային փուլի վիճակահանությունը:

2020-21թթ խաղարկությանը մասնակցում են 15 երկրների 32 ակումբ: Չորսական մասնակից ունեն Անգլիան, Իսպանիան, Գերմանիան և Իտալիան, երեքական՝ Ֆրանսիան, Ռուսաստանը, երկու՝ Ուկրաինան:

Վիճակահանության արդյունքներով ձևավորվեցին այսպիսի խմբեր.

A խումբ - «Բավարիա» (Գերմանիա), «Աթլետիկո» (Իսպանիա), «ՌԲ Զալցբուրգ» (Ավստրիա), «Լոկոմոտիվ» (Ռուսաստան),

B խումբ - «Ռեալ» (Իսպանիա), «Շախտյոր» (Ուկրաինա), «Ինտեր» (Իտալիա), «Բորուսիա» (Մյոնխենգլադբախ, Գերմանիա)

C խումբ - «Պորտու» (Պորտուգալիա), «Մանչեսթեր Սիթի» (Անգլիա), «Օլիմպիակոս» (Հունաստան), «Մարսել» (Ֆրանսիա)

D խումբ - «Լիվերպուլ» (Անգլիա), «Այաքս» (Նիդերլանդներ), «Ատալանտա» (Իտալիա), «Միդտյուլանդ» (Դանիա)

E խումբ - «Սևիլյա» (Իսպանիա), «Չելսի» (Անգլիա), «Կրասնոդար» (Ռուսաստան), «Ռեն» (Ֆրանսիա)

F խումբ - «Զենիթ» (Ռուսաստան), «Բորուսիա (Դորտմունդ, Գերմանիա), «Լացիո» (Իտալիա), «Բրյուգե» (Բելգիա)

G խումբ - «Յուվենթուս» (Իտալիա), «Բարսելոնա» (Իսպանիա), «Դինամո» (Կիև, Ուկրաինա), «Ֆերենցվարոշ» (Հունգարիա)

H խումբ - «ՊՍԺ» (Ֆրանսիա), «Մանչեսթեր Յունայթեդ» (Անգլիա), «ՌԲ Լայպցիգ» (Գերմանիա), «Իստանբուլ Բաշակշեհիր» (Թուրքիա)

Նշենք, որ բավական հզոր կազմ է հավաքվել B խմբում: Համեմատաբար հավասար մրցակիցներ են ընդգրկված C, D, E, F, H խմբերում: Մնացած երկու խմբերում կան ընդգծված երկու առաջատարներ:

Խմբային փուլը կմեկնարկի հոկտեմբերի 20-ին:

Խաղային տուրերի օրերը.

1-ին տուր՝ հոկտեմբերի 20-21

2-րդ տուր՝ հոկտեմբերի 27-28

3-րդ տուր՝ նոյեմբերի 3-4

4-րդ տուր՝ նոյեմբերի 24-25

5-րդ տուր՝ դեկտեմբերի 1-2

6-րդ տուր՝ դեկտեմբերի՝ 8-9