Ֆրանսիան և Թուրքիան քննադատում են միմյանց՝ Լեռնային Ղարաբաղի հակամարտության շուրջ (տեսանյութ)
Աջակցիր «Ա1+»-ինԼեռնային Ղարաբաղի հակամարտության թեմայով երկկողմանի քննադատությունների ալիք է սկսվել ՆԱՏՕ-ի երկու անդամ երկրների՝ՖրանսիայիևԹուրքիայիմիջև:
Լեռնային Ղարաբաղում չորս օր շարունակվող մարտերը սպառնում են վերածվել լայնածավալ պատերազմի, եւմիջազգայինհամայնքը մտահոգված է, որ պատերազմին կարող են խառնվել նաև Թուրքիան և Ռուսաստանը:
ՆԱՏՕ-ի անդամ երկրներից մի քանիսն անհանգիստ են Անկարայի դիրքորոշմամբ Լեռնային Ղարաբաղի հակամարտության շուրջ:
Չորեքշաբթի օրը, պատասխանելով այն հարցին, թե արդյոք Անկարան պատրաստ է ռազմական օգնություն ցուցաբերել Ադրբեջանին, Թուրքիայի արտգործնախարար Մևլյութ Չավուշօղլուն ասել է թե, "կանեն հնարավոր ամեն ինչ":
Չավուշօղլուն նաև հայտարարել է, թե Ֆրանսիայի աջակցությունը Հայաստանին հավասարազոր է "Հայաստանի կողմից Ադրբեջանի օկուպացմանն աջակցելուն":
Ի պատասխան, Ֆրանսիայի նախագահը Լատվիա կատարած այցի ընթացքում իր ասուլիսի ժամանակասելէ,- "Եսարձանագրել եմ Թուրքիայի հայտարարությունները, որոնքկարծումեմ, անխոհեմենուվտանգավոր: Եվսահատկապեսասումեմ, Հայաստանը նկատի ունենալով, Ֆրանսիան խորապես մտահոգված է Թուրքիայի կողմից վերջին ժամերին արված պատերազմական հայտարարություններով, որոնք Ադրբեջանին ուղղորդում են դեպի Լեռնային Ղարաբաղը նորից նվաճելու, ինչը մերկողմից անընդունելի է":
Էմանուել Մակրոնը նաև հայտնել է, որ այս թեմայով խոսելու է Մինսկի խմբի անդամ ԱՄՆ-ի նախագահ Դոնալդ Թրամփի և Ռուսաստանի նախագահ Վլադիմիր Պուտինի հետ:
Այդ ընթացքում Հայաստանի վարչապետ Նիկոլ Փաշինյանը հեռախոսազրույց է ունեցել Իրանի նախագահ Հասան Ռուհանիի հետ: Որից հետո Հայաստանի կառավարությունը հայտարարել է, որ Ռուհանին անհանգստացած է իրադրության սրմամբ:
Փաշինյանն ասել է, թե այս պահի դրությամբ չի նախատեսում հետխորհրդային անվտանգության համաձայնագրի շրջանակներում դիմել Ռուսաստանի օգնությանը, թեևչիէլ դա բացառել:
Փաշինյանի խոսքերով, Պուտինի հետ երեքշաբթի օրվա հեռախոսազրույցի ժամանակ չի քննարկվել Ռուսաստանի ռազմական ներգրավվածության հնարավորությունը:
Հիշեցնենք, որ ԱՄՆ-ի պետդեպարտամենտը նույնպես մտահոգություն է հայտնել Լեռնային Ղարաբաղի հակամարտության առնչությամբ, որի ընթացքում իրենց կյանքնեն կորցնում նաև խաղաղբնակիչներ: "Մենք ցավակցում ենք զոհվածների և վիրավորների ընտանիքներին",- ասվում է ԱՄՆ-ի հայտարարությունում:
Վաշինգտոնը խստորեն դատապարտում է բռնության սրումը: Հաղորդվել է, որ պետքարտուղարի տեղակալ Սթիվեն Բիգանը զանգահարել է Ադրբեջանի արտգործնախարար Ջեյխուն Բայրամովին և Հայաստանի արտգործնախարար Զոհրաբ Մնացականյանին և կողմերին կոչ արել դադարեցնել ռազմական գործողություններն ու անցնել հաղորդակցման այլ միջոցների՝ հետագա սրումը կանխելու համար:
