ՀՀ գլխավոր դատախազ, պարոն Արթուր Դավթյանին

 

 

ՄԻՋՆՈՐԴՈՒԹՅՈՒՆ

 

/Միհրան Պողոսյանի նկատմամբ հայտարարված հետախուզումը և կիրառված խափանման միջոց կալնավորումը վերացնելու մասին/

 

Հարգելի՝ պարոն Դավթյան,

 

Արցախի Հանրապետության որջ սահմանի երկայնքով արդեն մի քանի օր է Ադրբեջանը սկսել է լայնածավալ պատերազմ, որին հնարավոր բոլոր միջոցներով աջակցում է նաև Թուրքիան, ինչպես նաև հակառակորդը ռազմական գործողություններ է իրականացնում արդեն նաև Հայաստանի Հանրապետության տարածքում։ Այսպիսի իրավիճակը լուրջ սպառնալիք է ստեղծել մեր երկու հանրապետությունների գոյության համար:

 

 

 

Այս կապակցությամբ Արցախում և Հայաստանում հայտարարվել է ռազմական դրություն, իսկ Արցախի և Հայաստանի ղեկավարությունը կոչով դիմել են ամբողջ հայությանը, որպեսզի համախմբվեն և միասնական ձևով պաշտպանեն Հայրենիքը՝ յուրաքանչյուրն իր հնարավորությունների սահմաններում:

 

 

 

Քիչ առաջ ինձ հետ կապ է հաստատել ՀՀ հատուկ քննչական ծառայությունում քննվող թիվ 6221)616 քրեական գործով որպես մեղադրյալ ներգրավված Միհրան Պողոսյանը, ով հայտնել է, որ խորը ցավով և անհանգստությամբ է հետևում Հայրենիքում տեղի ունեցող իարադարձություններին, ցանկանում է օր առաջ վերադառնալ Հայաստան և իր հնարավորությունների սահմաններում աջակից լինել իր ժողովրդին:

 

 

 

Հաշվի առնելով, որ երկրում ստեղծված է ծանր և ճակատագրական վիճակ, երբ մեզանից յուրաքնաչյուրը ցանկանում է լինել իր ժողովրդի և բանակի կողքին, միջնորդում եմ վերացնել Միհրան Պոդոսյանի նկատմամբ հայտարարված հետախուզումը և որպես խափանման միջոց կիրառված կալանավորումը՝ հնարավորություն ընձեռնելով օր առաջ վերադառնալ Հայաստան:

 

 

 

Կանխավ՝ շնորհակալության:

 

Հարգանքով՝

 

Պողոսյանի օրինական շահերի պաշտպան, փաստաբան

 

Երեմ Սարգսյան