«Պետք է պատասխանատվության ենթարկել Ադրբեջանին». Ադամ Շիֆ
Աջակցիր «Ա1+»-ինԿոնգրեսական Ադամ Շիֆը կոչ է արել ԱՄՆ-ին անհապաղ համագործակցել ԵԱՀԿ Մինսկի խմբի մյուս անդամների հետ՝ Արցախում խաղաղության վերականգնման համար:
«Ադրբեջանը ձեռնարկել է վերջին տարիներին ամենախոշոր հարձակումը Արցախի վրա, և նախնական հաղորդագրությունների համաձայն, զգալի զոհեր են եղել։ ԱՄՆ-ն պետք է շտապ աշխատի Մինսկի խմբի մյուս անդամների հետ, որպեսզի վերականգնի խաղաղությունը և կանխի հետագա ցանկացած լարվածություն, որը վտանգի տակ կդնի ավելի շատ կյանքեր», - Facebook-ի իր էջում գրել է կոնգրեսականը։
«Ադրբեջանի ագրեսիան կեղծ համարժեքության քաղաքականության ձախողումն է, որը Ադրբեջանի ռազմատենչ հռետորաբանության հակառակ կողմն է։ Ես օրենք եմ մտցրել, որը թույլ կտա պարզել, թե ով է նախաձեռնել այս և այլ բախումները, ինչն անհրաժեշտ քայլ է Ադրբեջանին պատասխանատվության ենթարկելու համար»,- գրել է նա։
