Ադրբեջանի ՊՆ-ն ընդունել է Արցախի ուղղությամբ մարտերի ընթացքում 1 ուղղաթիռի կորստի փաստը
Աջակցիր «Ա1+»-ինԱդրբեջանի պաշտպանության նախարարությունն ընդունել է Արցախի ուղղությամբ մարտերի ընթացքում 1 ուղղաթիռի կորստի փաստը։ Նշվում է, որ այն խոցվել է Թարթառի ուղղությամբ։
Ադրբեջանն առավոտյան 07։10-ին Արցախի ուղղությամբ սկսել է օդային և հրթիռային հարձակում։ Հայկական կողմը խոցել է հակառակորդի երկու ուղղաթիռ, 3 անօդաչու թռչող սարք և 3 տանկ։
ՊԲ հրամանատար, գեներալ-մայոր Ջալալ Հարությունյանը հայտնել է, որ սեպտեմբերի 27-ի առավոտյան ադրբեջանական բանակը հրթիռահրետանային նախապատրաստությունից ու ԱԹՍ հարվածներից հետո հարձակման է անցել շփման գծի ամբողջ երկարությամբ:
Այս մասին ֆեյսբուքյան իր էջում գրել է նաև ռազմական փորձագետ Արծրուն Հովհաննիսյանը։
«Մի ուղղաթի կորուստը ընդունեցին, ուրեմն ավելի շատ են կորուստները»,- գրել է նա։
Հիշեցնենք, որ Սեպտեմբերի 27-ին՝ ժամը 07:15-ի սահմաններում, հակառակորդը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ողջ երկայնքով՝ թիրախավորելով նաև խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը: