«Առանց ՀՀԿ-ի, ասում եմ , դժվար է պատկերացնել լրջագույն պրոցես, իշխանափոխություն»․Արմեն Աշոտյան
Աջակցիր «Ա1+»-ին«Աշունը թեժ է լինելու»,- համոզված է ՀՀԿ փոխնախագահ Արմեն Աշոտյանը՝ դրանում տեսնելով իշխանությունների դերակատարությունը։
Ներկա իշխանությունը, ըստ նրա, ցուցաբերում է անպատասխանատու կեցվածք ցանկացած ոլորտում, որն էլ ապահովում է այդ «թեժությունը»․
«Կոմիքսների կառավարություն կարծես լինի։ Ցավոք սրտի՝ այդ կոմիքսների գինը վճարում է ժողովուրդը։ Ունենք աճող դժգոհություն, հիասթափություն, խորացող տնտեսական ճգնաժամ, որոնք հետևանք են ոչ այնքան համավարակով պայմանավորված սահմանափակումների, այլև այս իշխանության քաղաքականության բացակայությանը»։
Աշոտյանի համոզմամբ՝ նման իշխանությանը չի զիջում և ցածր որակի ընդդիմությունը․
«Իշխանությունը փորձում է ստեղծել սեփական ընդդիմությունը։ Քոչարյանը ճիշտ էր այսպիսի անորակ ընդդիմություն Հայաստանում չի եղել։ Նիկոլին պետք է արևմտամետ ընդդիմություն, որպեսզի այսպես կոչված նոր ընդդիմությունը աճի։ Իշխանությունը ուզում է տիրանալ նաև ընդդիմադիր դաշտին։ Դա պարզապես անհնար է»։
Բոլոր դեպքերում նա վստահ է՝ ընդդիությունը իր հիմնական մասով միավորվելու է «Հայաստանը Նիկոլից հետո» կարգախոսով։
Կմասնակցի՞ ՀՀԿ-ն ԲՀԿ-ի, ՀՅԴ-ի և «Հայրենիք»-ի նախաձեռնած հանրահավաքին։
ՀՀԿ-ն աշխատանքային հարաբերություններ է պահպանել ընդդիմության բոլոր ուժերի հետ,բայց, ըստ Աշոտյանի, հանրահավաքին մասնակցելու վերաբերյալ որոշում չունենԼ
«Առանց ՀՀԿ-ի, վստահ ասում եմ , դժվար է պատկերացնել լրջագույն պրոցես, իշխանափոխություն»,- պնդում է նա։