Կենսագրական տվյալներ
1966-1972 թվականներին Նորայր Դավիդյանը սովորել է Երևանի պետական բժշկական ինստիտուտի բուժական ֆակուլտետում, 1972-1973 թթ.՝ Երևանի պետական բժշկական ինստիտուտի ինտերնատուրայում։

1976-1980 թվականներին այրվածքային վիրաբուժության գծով վերապատրաստվել է Մոսկվայի Վիշնևսկու անվան վիրաբուժական ինստիտուտում։ Միջազգային գիտատեխնիկական կենտրոնի ներկայացրած ծրագրի «A-948» գիտական թեմայի ղեկավար-մենեջեր:

1973-1995 թվականներին եղել է Երևանի թիվ 6 կլինիկական հիվանդանոցի այրվածքային բաժանմունքի վիրաբույժ։

1982 թվականից՝ ՀՀ առողջապահության նախարարության գլխավոր մասնագետ այրվածքային վիրաբուժության գծով:

1985-1991 թվականներին աշխատել է Մանկական այրվածքաբանության բաժանմունքի վարիչ:

1991-1995 թվականներին ղեկավարել է Այրվածքների կենտրոնը:

1995-2003 թվականներին եղել է ՀՀ առողջապահության նախարարության ճառագայթային բժշկության և այրվածքային գիտական կենտրոնի ղեկավար։

1996 թվականին այրվածքային վիրաբուժության գծով վերապատրաստվել է Նյու Յորքի Կոռնելի անվան համալսարանում։ 1996 թվականին ղեկավարել է ՀՀ ԳԱԱ «Ծանր այրվածքների բուժումը» գիտական թեման։

2003 -2007 թվականներին եղել է ՀՀ առողջապահության նախարար։

Աշխատանքային գործունեության ընթացքում արժանացել է մի շարք պարգևների և մրցանակների: