Քաղաքական սկանդալ ՈՒԵՖԱ Ազգերի լիգայի Ռուսաստան-Սերբիա խաղից առաջ
Աջակցիր «Ա1+»-ինՈՒԵՖԱ-ի Ազգերի լիգայի 1-ին տուրի Ռուսաստան-Սերբիա խաղից առաջ քաղաքական սկանդալ է ծագել երկու երկրների միջև:
Ռուսաստանի ֆուտբոլի ֆեդերացիան իր սոցէջում գովազդային լուսանկար է հրապարակել, որտեղ ֆուտբոլիստներից մեկը ձեռքերով երկգլխանի արծիվ է պատկերել: Դա քննադատության մեծ ալիք է առաջացրել Սերբիայում, քանի որ երկգլխանի արծիվը համարվում է Կոսովոյում ապրող ալբանացիների խորհրդանիշը: Ի դեպ, նման ժեստով հաճախ իրենց գոլերն են նշում Շվեյցարիայի ընտրանու կազմում հանդես եկող ազգությամբ ալբանացի ֆուտբոլիստները:
Ռուսաստանի ֆուտբոլի ֆեդերացիայի ներկայացուցիչը հայտնել է, որ այդ լուսանկարն արվել է դեռևս 2018 թվականին, աշխարհի առաջնությունից առաջ, և որ այն համաձայնեցված է ՖԻՖԱ-ի հետ: Սերբիայի ֆուտբոլի ֆեդերացիան առայժմ պաշտոնական հայտարարությամբ հանդես չի եկել, սակայն սերբ երկրպագուներին շատ է զայրացրել այդ գովազդը:
ՈՒԵՖԱ-ի Ազգերի լիգա
1-ին տուր
A դիվիզիոն
4-րդ խումբ
Գերմանիա – Իսպանիա՝ 1:1
Ուկրաինա – Շվեյցարիա՝ 2:1
B դիվիզիոն
3-րդ խումբ
Ռուսաստան – Սերբիա՝ 3:1
Թուրքիա – Հունգարիա՝ 0:1
4-րդ խումբ
Բուլղարիա – Իռլանդիա՝ 1:1
Ֆինլանդիա – Ուելս՝ 0:1
C դիվիզիոն
3-րդ խումբ
Մոլդովա – Կոսովո՝ 1:1
Սլովենիա – Հունաստան՝ 0:0
D դիվիզիոն
1-ին խումբ
Լատվիա – Անդորա՝ 0:0
Ֆարերյան կղզիներ – Մալթա՝ 3:2