Բացել լրահոսը Փակել լրահոսը
2532579
A A
Քաղաքականություն Հասարակություն

Բեյրութում ցուցարարները փորձել են այրել խորհրդարանի շենքը (տեսանյութ)

Բեյրութում կրկին բախումներ են սկսվել ցուցարարների և ուժայինների միջև: Ցուցարարներից ոմանք փորձել են հրկիզել խորհրդարանի շենքը, հաղորդում է Global News-ը:

Նշվում է, որ հակակառավարական ակցիայի մասնակիցները փակել են մայրաքաղաքի կենտրոնի երթևեկությունը և գրավել Տրանսպորտի նախարարության շենքը: Ի պատասխան՝ ուժայիններն արցունքաբեր գազ են կիրառել և կրակել ռետինե փամփուշտներով, ակտիվիստներն էլ քարեր են նետել իրավապահների ուղղությամբ: 

Լիբանանի մայրաքաղաքում ցույցերի հետեւանքով ավելի քան 700 հոգի է տուժել:

Նշենք, որ Բեյրութում կառավարության դեմ բողոքի ակցիաները սկսվեցին նավահանգստում տեղի ունեցած պայթյունից հետո, որն ավելի քան 150 մարդու կյանք խլեց, կան հազարավոր վիրավորներ: