Նորին Սրբութունը Պուրճ Համմուտի քաղաքապետին եւ պատասխանատու մարմիններու ներկայացուցիչներուն հետ շրջեցաւ հայահոծ թաղերը, հանդիպում ունեցաւ վիրաւոր հայորդիներու հետ, օրհնեց զանոնք ու բարի ապաքինում մաղթեց անոնց եւ մօտէն ծանօթացաւ տիրող կացութեան:

Յայտնենք, որ Հայրապետը Պուրճ Համմուտէն մեկնելէ առաջ նիւթական օժանդակութիւն տրամադրեց քաղաքապետարանին, որպէսզի մեր ժողովուրդին անմիջական կարիքները հոգացուին:

Նշենք, որ Փաղանքաւոր կուսակցութեան ընդհանուր քարտուղար Նիզար Նաճարեան պայթումին հետեւանքով մահացած է: