Բացել լրահոսը Փակել լրահոսը
A A
Տեսանյութեր Հասարակություն

Ավագ դպրոցի ընդունելությունը՝ բողոքի առիթ (տեսանյութ)

Անդրանիկ Մարգարյանի անվան 29 ավագ դպրոց դիմողների թիվն այնքան  այնքան շատ է եղել, որ ընդունելությունն ավարտվել է այն, երբ  դեռ նոր պետք է սկսվեր։

Ծնողները  դպրոցի կայքից տեղեկացել էին, որ դիմելու համար ծնողներն ու աշակերտները մոտենան օգոստոսի 3-ին.  ժամը 11:00֊ին։

Ծնողները բողոքում են, որ նշված ժամին մոտեցել են, և իրենց հայտնել են, որ ընդունելությունն ավարտված է։

 «Ինչու են սկսել ընդունել նշված ժամից ավելի շուտ, հո ախոռ չի, ով երբ ուզի մտնի»,-ասում է ծնողներից մեկը։ 

Դպրոցի տնօրեն Ռուզաննա Սարուխանյանն ասում է՝ մարդիկ մոտեցել են ավելի շուտ և կուտակումներ չառաջացնելու համար իրենց ներս են թողել․ «Հերթ պահելու համար իրենց համարակալել են, ոչ թե ընդունելության գործընթաց սկսել»։ 

Չընդունելով այս պարզաբանումը՝ ծնողները գնացել են  «Մարդու իրավունքների պաշտպան»-ի գրասենյակ և բողոք-դիմում ներկայացրել։

Ծնողները դիմել են նաև ԿԳՄՍ նախարարություն՝ պարզելու ընդունելության ընթացակարգի վերաբերյալ գործող կարգը։ Եթե տեղերը սահմանափակ են և չկա մրցութային կարգ, ապա ինչ նախապայմաններով են ընդունում։ 

Ի դեպ, Անդրանիկ Մարգարյանի անվան 29 ավագ դպրոցում գործում են 10-12-րդ հոսքային դասարաններ և ընդհանուր աշակերտների քանակը չի կարող գերազանցել 600-ը։

 Մանրամասները՝  տեսանյութում