A
A
Հաքերային որևիցե հարձակման չենք ենթարկվել․ Վիվա-ՄՏՍ-ը ՝ ԱԱԾ-ի հրապարակած հեռախոսահամարների մասին
Աջակցիր «Ա1+»-ինՎիվա-ՄՏՍ-ը պարզաբանում է տարածել
Հարգելի գործընկերներ
Ի պատասխան Վիվա-ՄՏՍ-ի կոդով երկու հեռախոսահամարների վերաբերյալ հարցումների ու հրապարակումների՝ ընկերությունը հարկ է համարում տեղեկացնել, որ վերը նշված համարները տրամադրվել են իրավաբանական անձի` մասնագիտական սոցիոլոգիական հարցումներ իրականացնելու նպատակով:
Վիվա-ՄՏՍ-ը տեղեկացնում է, որ իր սերվերային ու ցանցային համակարգերը լիարժեք պաշտպանված են հաքերային հարձակումներից՝ տեղեկատվական անվտանգության կառավարման ISO/IEC 27001/2013 միջազգային ստանդարտի պահանջներին համապատասխան:
Ինչպես արդեն վերը նշվել է, տվյալ համարներն օգտագործվել են հարցումներ իրականացնելու նպատակով, իսկ սերվերային ու ցանցային համակարգերը չեն ենթարկվել հաքերային որևիցե հարձակման, չեն վնասվել ու շարունակում են անխափան գործել:
Հիշեցնենք, որ ԱԱԾ-ն բացահայտել էր Ադրբեջանի հատուկ ծառայությունների կողմից տեղեկություններ ստանալու փորձեր: Ըստ հաղոևդագրության՝ մասնավորապես, նմանօրինակ հեռախոսազանգեր են արձանագրվել 094-39-75-95 և 093-52-72-08 բջջային հեռախոսահամարներից: