Շտապօգնությունում հունիս ամսվա համար պարգևավճարներ չեն ստացել
Աջակցիր «Ա1+»-ինՇտապօգնության աշխատակիցները հունիս ամսվա համար պարգևավճարներ չեն ստացել:
Պատճառները ճշտելու համար «Ա1+»-ը կապ հաստատեց Շտապօգնության ծառայության տնօրեն Թագուհի Ստեփանյանի հետ։ Վերջինս հաստատեց տեղեկատվությունը՝ շտապօգնությունում աշխատավարձեր արդեն ստացել են, պարգևավճարներ՝ ոչ․
«Եթե տրամադրեն, անպայման կփոխանցենք աշխատակիցներին»,-նշեց նա։
Ստեփանյանը հաստատեց՝ պարգևավճարներ նախատեսված են հունիս ամսվա համար, սակայն գումարները դեռ փոխանցված չեն։
Երևանի քաղաքապետի մամուլի խոսնակ Հակոբ Կարապետյանն էլ այս թեմայով «Ա1+»-ին ասաց․
«Համայնքային ենթակայության բուժհիմնարկները, այդ թվում՝ շտապօգնության աշխատակիցները, ովքեր պայքարում են կորոնավիրուսի համավարակի դեմ, քաղաքապետարանի պարգևավճարների ֆոնդից ստանալու են լրացուցիչ պարգևավճար, մնացած հարցերին պետք է պատասխանի ընկերության տնօրենը»։