A
A
10 վիրավոր զինծառայող է բուժում ստանում. մեկի վիճակը ծայրահեղ ծանր է. խոսնակ
Աջակցիր «Ա1+»-ինՊՆ խոսնակ Շուշան Ստեփանյանը Ֆեյսբուքի իր էջում տեղեկացնում է.
«Հայ-ադրբեջանական պետական սահմանագոտու հյուսիսարևելյան հատվածում ծավալված գործողությունների ընթացքում տարբեր աստիճանի վիրավորումներ ստացած տասը զինծառայող այժմ բուժում է ստանում։
Մեկ զինծառայող ծայրահեղ ծանր վիճակում է։
Հինգ զինծառայողի վիճակը գնահատվում է միջին ծանրության` դրական դինամիկայով։
Մյուսներն առաջիկա մեկ շաբաթվա ընթացքում կվերադառնան շարք։
Առողջություն և շուտափույթ ապաքինում տղաներին, իսկ զինվորական բժիշկները, իրոք, պատվով են կրում իրենց վեհ կոչումը»։
