Կոչ եմ անում համակերպվել այն մտքի հետ, որ բարձունքը մերն է, տղերքն էլ կան ու լինելու են.պատգամավոր (տեսանյութ)
Աջակցիր «Ա1+»-ին«Փաստորեն Ադրբեջանի ռազմաքաղաքական ղեկավարությունը երեկվա ստացած ապտակից դասեր չի քաղել, դե ինչ, ընտրությունն իրենցն է, պատասխանը լինելու է շատ ցավոտ»,-այս մասին ԱԺ հատուկ նիստում հայտարարեց ԱԺ «Իմ քայլը» խմբակցության պատգամավոր, Պաշտպանության եւ անվտանգության հարցերի մշտական հանձնաժողովի անդամ Տիգրան Կարապետյանը՝ անդրադառնալով Չինարի գյուղի գնդակոծման լուրին:
«Երեկ ամբողջը օրը ընթացող մարտերի ընթացքում մեր զինված ուժերը ձեռնպահ մնացին խաղաղ բնակավայրերի ու բնակչության ուղղությամբ արձակելուց որևէ արկ, կրակը ամբողջությամբ ուղղորդված էր ինժեներական կառույցների և ռազմատեխմիկայի ուղղությամբ»:
Կարապետյանը հայտարարեց՝ առաջնագծում Ադրբեջանը կիրառում է հարվածային անօդաչուներ, տարբեր տրամաչափի զենքերից կրակ է բացում մեր դիրքերի ուղղությամբ, քիչ առաջ թիրախավորվեց նաև Չինարի գյուղը.
«Բարեբախտաբար, զոհեր և վիրավորներ չունենք, ունենք վնասված տանիք և հետևաբար ՝ մենք ստիպված ենք լինելու ցավոտ պատասխանել»:
Պատգամավորը հիշեցրեց մեր կողմի խաղաղասիրական կոչերը, միևնույն ժամանակ հայտարարեց՝ պատրաստ ենք ցանկացած սցենարի:
«Հայկական բանակը երկու տարվա մեջ մեղմ ասած բավականին փոխվել է, մենք ունակ ենք խոցելու Ադրբեջանի տարածքում ցանկացած թիրախ, ռազմավարական նշանակության ցանկացած օբյեկտ: ՀՀ ղեկավարությունը վայրկյան անգամ չի կասկածելու ՀՀ-ի և ԼՂՀ-ի սուվերենության համար տալու հրաման ոչնչացնեու ցանկացած թիրախ»:
Դիմելով Ադրբեջանին՝ Կարապետյանը հայտարարեց.
«1994-ի ձեր մուրած խաղաղությունը քաղցր երազ է թվալու, կոչ եմ անում համակերպվել այն մտքի հետ, որ բարձունքը մերն է, տղերքն էլ կան ու լինելու են»:
