Բացել լրահոսը Փակել լրահոսը
a88fdfeb-3980-4c22-926a-665e360b78c2_cx0_cy3_cw0_w1023_r1_s
A A
Քաղաքականություն

Հարյուրավոր գիտնականներ հորդորում են փոխել կորոնավիրուսից պաշտպանվելու կանոնները

Ամերիկայի ձայն

Նյու Յորք Թայմս լրատվականի զեկույցի համաձայն 32 երկրներից 239 գիտնականներ այս շաբաթ Առողջապահության համաշխարհային կազմակերպությանն ուղված բաց նամակ են հրապարակելու: Գիտնականները կազմակերպությանը հորդորելու են փոխել կորոնավիրուսից խուսափելու համար ձեռնարկվող գործողությունների ցանկը:

Գիտնականների խոսքերով՝ կորոնավիրուսը օդային է (օդով տարածվող) և կարող է շարունակաբար մնալ փակ տարածքում և վարակել մարդկանց:

Առողջապահության համաշխարհային կազմակերպության տրամադրած տեղեկության համաձայն վիրուսը տարածվում է ավելի մեծ շնչառական կաթիլների միջոցով, երբ վարակված անձը հազում կամ փռշտում է, սակայն այդ կաթիլներն արագ են վայր ընկնում իրենց չափի շնորհիվ:

Նյու Յորք Թայմսի հաղորդմամբ, եթե վիուսը օդային է ապա «զսպման համար ձեռնարկվող գործողությունները զգալի կլինեն»: «Կանխարգելման նոր միջոցները կպարտադրեն դիմակ կրել փակ տարածքում, նույնիսկ սոցիալական հեռավորություն պահպանելու պայմաններում»,-ասված է հոդվածում: