Բացել լրահոսը Փակել լրահոսը
A A
Տեսանյութեր Հասարակություն

11 հիվանդ տանը սպասում է հոսպիտալացման. Արսեն Թորոսյան (տեսանյութ)

Կառավարության նիստի  ժամանակ Առողջապահության նախարար Արսեն Թորոսյանը հայտնեց, որ վերակենդանացման բաժանմունքները մնում են լիքը։

Ժամը 9-ի դրությամբ հոսպիտալացման սպասում է 11 հոգի, որից 4-ը միջին ծանրության է, իսկ 7-ը՝ թեթև:

«Կան մի երկու-երեք տեղ, դրանց հաշվին կարողանում ենք ծանր ու ծայրահեղ ծանր վիճակում գտնվողներին տեղավորել: Ծայրահեղ ծանր ու ծանր վիճակում գտնվողների թիվը կազմում է մոտ 650 հոգի, արհեստական օդափոխության սարքերին միացված է 44 հոգի»,-հայտնեց նախարարը։

80 մարդ սպասում է տեղափոխման կորոնավիրուսային հիվանդությամբ զբաղվող հիվանդանոցներ:

Արսեն Թորոսյանը տեղեկացրեց, որ  որ մարզերում ընթանում են հիվանդանոցային տեղերի ծավալման աշխատանքներ: 

  Հիշեցնենք, որ այսօր հաստատվել է կորոնավիրուսային հիվանդության  593 նոր  դեպք։