Հայ մարմնամարզիկները չեն մեկնի Բաքու
Աջակցիր «Ա1+»-ինԿորոնավիրուսով պայմանավորված արտակարգ դրության ավարտից հետո բավական ժամանակ է պետք հայ մարմնամարզիկներին՝ նախկին մարզավիճակին վերադառնալու համար։
«Համավարակը, ինչպես բոլոր ասպարեզների, այնպես էլ սպորտի վրա բացասական ազդեցություն թողեց։ Մեկ շաբաթ չպարապելը դրական է ազդում, սակայն դրանից ավելին արդեն վատ է և հետո կարիք է լինում մեկ ամիս նորից պարապել մարզավիճակը վերականգնելու համարԵրբ չենք մարզվում երկու շաբաթ, մեզ մեկ ամիս է պետք լինում վերականգնվելու համար: Մինչ այդ հավաք էինք անցկացնում Թբիլիսում, համավարակի ընթացքում այն զրոյացավ»,-ասաց Հայաստանի մարմնամարզության հավաքականի գլխավոր մարզիչ Հակոբ Սերոբյանը ։
Բայց այս դադարը նաեւ դրական հետեւանք է ունեցել. «Մեզ հնարավորություն տրվեց մարզիկների վնասվածքների վերաբերյալ ավելի լուրջ հետազոտություններ անել և ժամանակ ունեցանք բժշկական միջամտությունների համար»։
Հնարավորինս պահելով պարետի ցուցումները՝ մարզիկները շարունակում են իրենց պարապմունքները, սակայն, ըստ պարոն Սերոբյանի, Հայաստանում չունենք միջազգային չափանիշների այնպիսի մարզադահլիճներ, որտեղ հնարավոր է պատրաստվել առաջնություններին։
Քանի որ կարեւորագույն միջազգային մրցաշարերը չեղարկվել են, հայ մարզիկները, ըստ նրա, շատ չեն տուժի եւ ժամանակը կօգտագործեն ավելի լավ պատրաստվելու համար.
«Մարմնամարզիկ Արթուր Դավթյանը (հենացատկ) այս պահին պատրաստվում է այնպիսի ցատկ ներկայացնել օլիմպիական խաղերում, որն աշխարհում առաջինն է լինելու և հաջողելու դեպքում կկրի իր անունը»։
Մարզիկները սպասում են սահմանների բացվելուն, որպեսզի դրսում ուսումնամարզական հավաքներ և պարապմունքներ անցկացնեն։
2020 թվականի Եվրոպայի սպորտային մարմնամարզության կանանց և տղամարդկանց առաջնությունները կկայանան Բաքվում դեկտեմբերին, քանի որ Ֆրանսիայի մարմնամարզության ֆեդերացիան հրաժարվել է մրցաշարի անցկացումից:
Հակոբ Սերոբյանը հայտնեց, որ հայ մարմնամարզիկները չեն մեկնի Բաքու։
Մարմնամարզության միջազգային ֆեդերացիան խոստացել է աջակցել այն մարզիկներին, մարզիչներին և մրցավարներին, ովքեր վարակված կլինեն կորոնավիրուսով և կհոգա նրանց բուժման ծախսերը։
Հայաստանում նման դեպքեր , բարեբախտաբար, դեռ չկան։
