Մի քանի խնդիրներով հանդիպել եմ ՀՀ նորանշանակ ոստիկանապետի հետ․ Արման Բաբաջանյան

ԱԺ պատգամավոր Արման Բաբաջանյանը Ֆեյսբուքի իր էջում գրում է․

«Այսօր կարևոր մի քանի խնդիրներով հանդիպել եմ ՀՀ նորանշանակ ոստիկանապետ Վահե Ղազարյանի հետ, ով որակապես այլ, սկզբունքորեն հեղափոխական պատկերացում ունի մեր երկրում ամուր ոստիկանական համակարգ կայացնելու մասին։

Ոստիկանությունը պետք է համընթաց շարժվի հանրային զարգացումներին, մերթընդմերթ, նույնիսկ, մի քանի քայլ առաջ լինի: Ոստիկանությունը պետք է դառնա ոչ միայն պետականության կարևոր հիմնասյունը, այլև օրենքին, իրավունքին ու ժողովրդին ծառայելու լավագույն օրինակը:

Ուզո՞ւմ ենք, որ պետությունը լինի պաշտպանված, ուրեմն նախ մենք պետք է պաշտպանենք ոստիկանությանը։