ԱՄՆ-ում կրքերը չեն հանդարտվում․ լուրեր կան, որ Թրամփը ստիպված է եղել թաքնվել բունկերում․ լուսանկարներ
Աջակցիր «Ա1+»-ինԱՄՆ-ում մասսայական անկարգությունները շարունակվում են, դրանք արդեն ավելի քան 100 քաղաք են ներառել։
Որքան շատ են իրավապահ մարմիններն ուժ կիրառում, այնքան բողոքի ալիքը մեծանում է։ Ցուցարարները այրում են շենքեր ու մեքենաներ, քարերով խփում ոստիկաններին։ Թեեւ բազմաթիվ քաղաքներում պարետային ժամ է հայտարարվել, Ազգային գվարդիան է մտցվել, միեւնույնն է՝ օգուտ չկա։
Նախօրեին Վաշինգտոնում ցուցարարների եւ ոստիկանների բախման արդյունքում ավելի քան 40 ոստիկան է տուժել։
CNN-ի փոխանցամբ՝ Վաշինգտոնում բախումների ժամանակ ԱՄՆ նախագահ Դոնալդ Թրամփը ստիպված է եղել թաքնվել բունկերում։
Հիշեցնենք, որ ԱՄՆ-ում ցույցեր սկսվեցին այն բանից հետո, երբ ոստիկանը սեւամորթ Ջորջ Ֆլոյդին ձերբակալելիս սպանել էր նրան։ Համացանցում հայտնված տեսանյութում երեւում է, որ ոստիկանը երկար ժամանակ ծնկով սեղմում է տղամարդու վիզը, թեեւ վերջինս մի քանի անգամ ասում է, որ խեղդվում է, չի կարողանում շնչել։