Դուք համոզվա՞ծ եք, որ «Քայլող մարդը» արձանի հետ կապված շահարկումներ չեն լինի. վարչապետը՝ նախարարին (տեսանյութ)
Աջակցիր «Ա1+»-ինՀՀ-ում մի շարք հուշարձանների ամրակայման, նորոգման և վերականգնման աշխատանքների համար Կառավարության այսօրվա նիստում որոշում կայացվեց ԿԳՄՍ նախարարությանը հատկացնել 422500,5 հազար դրամ:
ԿԳՄՍ նախարար Արայիկ Հարությունյանը մի շարք մշակութային օբյեկտների թվում շեշտեց նաև, որ նախատեսվում է Արտո Չաքմաչյանի «Քայլող մարդը» քանդակի պատրաստում և տեղադրում:
Նախարարը շեշտեց, որ երկար ժամանակ պետք է արվեր, սակայն չէր արվում: Վարչապետ Նիկոլ Փաշինյանի մոտ հարց առաջացավ այս արձանի հետ կապված.
«Դուք համոզվա՞ծ եք, որ «Քայլող մարդը» արձանի տեղադրման հետ կապված՝ քաղաքական շահարկումներ և այլն չեն լինելու»:
Արայիկ Հարությունյանը իր հերթին վերահաստատեց՝ քանդակը ավելի վաղ է ստեղծվել.
«Երբ ավագանու նիստին դա քննարկվում էր, նման հարցեր չեն եղել»,-ասաց նախարարը:
Նախարարը ընդգծեց, որ կապիտալ ծախսերի վերաբերյալ քննարկման արդյունքում է մշավել ներկայացվող նախագիծը, և մշակութային օբյեկտների մեծ փաթեթ կա, որոնց վերանորոգումն իրականացվելու է:
Նախարարը թվարկեց, թե որ կառույցներն են հիմնանորոգվելու, ամրակայվելու:
