Վիրտուալ երթ՝ դեպի Ծիծեռնակաբերդ. ՈՒՂԻՂ (տեսանյութ)
Աջակցիր «Ա1+»-ինԾիծեռնակաբերդում խորհրդանշական առաջին ելույթը Նարեկ Հախնազարյանինն է, ով 14 օրվա մեկուսացումից հետո նորից հանդես է գալիս Հայրենիքում:
Այս պահին վիրտուալ երթի մասնակիցների թիվը 653 հազար 797 է, երթը սկսելուց կես ժամ առաջ տեղեկացրել է Նիկոլ Փաշինյանը։
․․․․․․․․․․․․
Ավելի ուշ Նիկոլ Փաշինյանը վիրտուալ երթի մասնակիցների մասին թարմ տվյալներ հայտնեց, ինչպես նաև տեղեկություն տվեց հաղորդագրությունների ընդունման մասին․
Այս պահի դրությամբ վիրտուալ երթին մասնակցելու 852 հազար 341 անուն ազգանուն է ստացվել:
Վիրտուալ երթը խորհրդանշում է հայ ժողովրդի եւ Հայաստանի Հանրապետության հավերժությունը։
Սիրելի հայրենակիցներ, վիրտուալ երթին մասնակցելու համար պետք է Ձեր անուն ազգանունը sms հաղորդագրությամբ ուղարկեք հետեւյալ համարներին.
1915՝ եթե Հայաստանում (Արցախում) եք,
00 374 33 19 15 00՝ եթե արտերկրում եք:
Հաղորդագրություն գրելիս հետևեք կանոններին, որպեսզի Ձեր հաղորդագրությունը չֆիլտրվի և ցուցադրվի հուշահամալիրի սյուներին:
- Հնարավորության դեպքում գրեք հայատառ,
- Մեկ հաղորդագրության մեջ գրեք միայն մեկ անուն և ազգանուն,
- Միևնույն հեռախոսահամարից կարող եք ուղարկել առավելագույնը 5 հաղորդագրություն,
- Հայաստանից և Արցախից ուղարկված յուրաքանչյուր հաղորդագրության արժեքը 1 դրամ է, հաղորդագրությունն ուղարկելիս ավտոմատ կստանաք պատասխան հաղորդագրություն,
- Արտասահմանից ուղարկված հաղորդագրության սակագինը հաշվվում է ըստ երկրների և օպերատորների՝ ստանդարտ եղանակով,
- Արտասահմանից ուղարկելիս պատասխան հաղորդագրություն չեք ստանալու։
Հաղորդագրությունների ընդունումը շարունակվելու է մինչեւ լուսաբաց։
