Ստեղծվում է «Կարանտին» համույթ․ Մի մնացեք տանը լռության մեջ
Աջակցիր «Ա1+»-ինՀայտարարություն
Եթե Դուք երաժիշտ եք և երաժշտական գործիք եք նվագում, ապա դիմեք ՝ դառնալու «Կարանտին» համույթի անդամ և բոլորովին նոր ու հետաքրքիր նախագծի մի մաս:
Ուղարկեք մեզ ձեր կատարումների կարճ տեսահոլովակները տանը կամ համերգասրահում (մենակատար), որպեսզի հնարավորություն ունենաք նախագծում ընդգրկվելու:
Համույթի բոլոր անդամների հաստատումից հետո նրանց կառաջադրվի որպես հանձնարարություն կատարել մեկ ստեղծագործություն՝ հայ կոմպոզիտոր Միխայիլ Կոկժաևի ստեղծագործություններից: Համույթի անդամները պետք է ձայնագրությունները ուղարկեն «Music of Armenia»-ի ստորև նշված էլ. հասցեին: Ստացված տեսանյութերից կպատրաստվի կոլաժ տեսահոլովակ:
Որպես նախագծի մաս, «Music of Armenia»-ն կհայտարարի պրոդյուսերների մրցույթ, որի արդյունքում հաղթող պրոդյուսերը կաշխատի ստեղծագործության վրա՝ վերջինիս ժամանակակից երանգ տալով: Կարանտինի ավարտից հետո կկազմակերպվի ստեղծագործության պրոֆեսիոնալ ձայնագրությունը, ինչպես նաև կնկարահանվի և կպատրաստվի պրոֆեսիոնալ տեսահոլովակ: Նախագիծը կեզրափակվի «Կարանտին» համույթի կենդանի երաժշտության համերգով:
«Կարանտին» համույթը խրախուսում է նոր համագործակցություններ:
Ընդհանուր պայմանները`
«Կարանտին» համույթի անդամ դառնալու համար ուղարկել
• Ձեր ընտրությամբ, ձեր ռեպերտուարից մեկ կենդան կատարում տեսանյութի ֆորմատով – որպես ֆայլ կամ բաց հղումով (YouTube)։
• Կարճ կենսագրություն և սոցիալական մեդիա հղումներ:
• Անհրաժեշտ գործիքներ` ջութակ, ալտ, թավջութակ, կոնտրաբաս, կլարնետ, ֆլեյտա, օբո, ֆագոտ, գալարափող։
• Երաժիշտները պետք է բնակվեն Հայաստանում կամ նախագծի իրականացման ընթացքում և շրջանում գտնվեն Հայաստանում:
Կարևոր ժամկետներ.
Վերջնաժամկետ ՝ 2020 թվականի ապրիլի 30-ը
Ծրագրի մեկնարկը ՝ 2020 թվականի մայիս
Ինչպես դիմել.
Դիմելու համար հայտերը ուղարկեք [email protected] էլեկտրոնային հասցեով մինչև 2020 թվականի ապրիլի 30-ը: Վերջնաժամկետից հետո որևէ հայտ չի ընդունվի։
Նախագիծը ֆինանսապես աջակցվում է Շվեյցարիայի զարգացման և համագործակցության գործակալության կողմից: