Հայազգի գեղասահորդուհի Եվգենյա Մեդվեդևայի քայլերը՝ ուղղված կորոնավիրուսի դեմ պայքարին
Աջակցիր «Ա1+»-ինՀայկական արմատներ ունեցող գեղասահորդուհի Եվգենյա Մեդվեդևան ռուսաստանցի մարզիկներին կոչ է արել համախմբվել և միասնական ճակատով պայքարել կորոնավիրուսի պանդեմիայի դեմ:
«Հազարավոր մարդիկ արդեն տուժել են կորոնավիրուսից: Շատերը կորցրել են իրենց հարազատներին: Ես անկեղծորեն անհանգստացած եմ բոլորի համար այս դժվարին պահին: Հատկապես ավագ սերնդի համար: Մենք, մարզիկներս, ուժեղ մարդիկ ենք և պետք է օգնենք նրանց: ⠀⠀
Այս կոչը մասնավորապես վերաբերում է մարզիկներին, և ոչ թե այն մարդկանց, ովքեր ֆինանսապես և բարոյապես տուժել են: Իհարկե, մարզիկների թվում էլ կան այնպիսիները, ովքեր այժմ ֆինանսապես խնդիրներ ունեն: Բայց մարզիկների թվում նաև շատ են նրանք, ովքեր կարող են օգնել: Կարևոր չէ՝ դա կլինի չմշկորդ, ֆուտբոլիստ, հոկեյիստ կամ բասկետբոլիստ: ⠀⠀
Փորձենք միավորվել: Ես կոչ եմ անում այն մարզիկներին, ովքեր ունեն այդ հնարավորությունը: Պատմեք այն մասին, որ ներգրավված եք կորոնավիրուսի դեմ պայքարում: Որքան շատ ուշադրություն հրավիրենք այդ հարցի վրա, այնքան կկարողանանք շատ նյութական օգնություն հավաքել Ռուսաստանում:
«Ռուսֆոնդ» բարեգործական հիմնադրամը գումար է հավաքում մարզային հիվանդանոցներին աջակցելու համար` կորոնավիրուսի դեմ պայքարում: Մենք արդեն կատարել ենք մեր ներդրումը, ինչպես նաև մեր առցանց խանութի վաճառքից ստացված ամբողջ գումարը կուղարկվի հիմնադրամին: ⠀
Հարգելի մարզիկներ, եկեք օգնենք մարզային հիվանդանոցներին, վերազինենք անհրաժեշտ ամեն ինչով` կենսաքիմիական արյան ստուգում կատարելու սարքավորումներով, ախտահանիչներով, պաշտպանիչներով, թոքերի արհեստական շնչառության սարքերով: Բժիշկները հերոսներ են, և այժմ, քան երբևէ, նրանք աջակցության կարիքն ունեն նրանց կողմից, ում աջակցել են միլիոնավոր երկրպագուներ», - իր Instagram-ում գրել է 2018թ ձմեռային օլիմպիական խաղերի մեդալակիրը:
Հավելենք, որ Եվգենյա Մեդվեդևան այժմ գտնվում է Ճապոնիայում և պատրաստվում է բալետ սառույցի վրա նոր ներկայացմանը: