Տեխնիկան ժամանակավոր շահագործման կտրամադրվի Արմավիրի մարզի բազմազավակ և սոցիալապես խոցելի խմբերում գտնվող ընտանիքներին
Աջակցիր «Ա1+»-ինԱրմավիրի մարզպետարանից տեղեկացնում են․
«ՀՀ կրթության, գիտության, մշակույթի և սպորտի նախարարության կողմից հավաքագրված համակարգչային տեխնիկայից 56-ը հատկացվել է Արմավիրի մարզպետարանին:
ԿԳՄՍ նախարարության և Արմավիրի մարզպետարանի համակարգմամբ` ստացված տեխնիկան ժամանակավոր շահագործման կտրամադրվի բազմազավակ և սոցիալապես խոցելի խմբերում գտնվող ընտանիքներին, մասնավորապես.
քաղաքային համայնքների 5 և ավել երեխա ունեցող ընտանիքներին,
գյուղական համայնքների 4 և ավել երեխա ունեցող ընտանիքներին,
երկկողմանի ծնողազուրկ երեխաներին:
Ստեղծված իրավիճակում հեռավար դասընթացները նախաձեռնելու և դրանց ընդգրկվածությունն ու արդյունավետությունը բարձրացնելուն ուղղված գործուն քայլերի համար մեր շնորհակալությունն ենք հայտնում ԿԳՄՍ նախարարությանը և բոլոր այն անձանց, ովքեր արձագանքել են մարդասիրական այս ձեռնարկի իրագործմանը»: