Տպավորություն է՝ ամբաստանյալներս նստած ստանում ենք հարցեր. Մեսչյանը՝ ավագանու անդամներին (տեսանյութ)
Աջակցիր «Ա1+»-ինԵրևանի ավագանու այսօրվա նիստում ԲՀԿ խմբակցության անդամ Արմեն Ներսիսյանը, նիստի բուն օրակարգից դուրս, հարց հնչեցրեց՝ կապված Երևանի ճոպանուղու նախագծի հետ:
Լսել է՝ ներդրողներ կան, հետաքրքրվեց՝ աշխատանքները ո՞ր փուլում են, թույլ տրվե՞լ է ներդրողին աշխատանքները հաստատել:
ԲՀԿ խմբակցության անդամի հարցին արձագնաքեց Երևանի գլխավոր ճարտարապետ Արթուր Մեսչյանը:
«Կա մեկ ռեալ կազմակերպություն, որն առաջարկել է երեք ֆինանսավորման տարբերակ, մեկ տարբերակը արդեն ուղարկվել է Ֆինանսների նախարարություն, այնտեղ ստացել է դրական եզարակացություն, և հիմա հաջորդ քննարկումը պետք է լինի Էկոնամիկայի նախարարությունում»:
Մեսչյանն ասաց՝ եթե գործընթացի դինամիկան պահպանվի, առաջիկայում այս առումով լուրջ հաջողություն կունենանք:
Ինչ վերաբերում է գնումների գործընթացին, մրցույթներին, Մեսչյանն ասում է՝ ծրագրեր կան, որտեղ մենք պետք է մի փորքր ավելի խորամանկ մոտեցում ունենանք:
Նրա համոզմամբ՝ այնպիսի մեծ ծրագրերը, ինչպիսին, օրինակ, ճոպանուղին է կամ մետրոն, եթե դրվում են մրցույթի, կարող են տևել տարի կամ ավելի երկար:
Վստահ է՝ եթե խանգարող հանգամանքներ չլինեն, և՛ Աջափնյակի մետրոյի ծրագիրը, և՛ այս ճոպանուղու ծրագիրը տեսանելի արդյունքներ կգրանցնեն հենց այս տարի:
Մեսչյանը, դիմելով ավագանու անդամներին, հորդորեց գործել միասին և իրար օգնելով.
«Այնպիսի տպավարություն է, որ մենք՝ այստեղ ամբաստանյալներս նստած, ստանում ենք հարցրեր, թե ինչի չենք արել, ինչի ենք վատ արել: Ծրագրեր կան, որ մենք բոլորս ենք մեղավոր: Տղերք, մետրոն այնտեղ է, որտեղ և դուք եք»: