Բոլորի վիճակը բավարար է, որևէ մեկի կյանքին վտանգ չի սպառնում. Թորոսյան (տեսանյութ)
Աջակցիր «Ա1+»-ինԿառավարության նիստին Առողջապահության նախարար Արսեն Թորոսյանը ներկայացրեց կորոնավիրուսով պայմանավորված իրավիճակը։ Այս պահի դրությամբ՝ կորոնավիրուսով վարակված 115 դեպք կա, որոնցից 1-ն առողջացել է։
«Բոլորի վիճակը բավարար է, նույնիսկ ջերմությունը 38-ից բարձր ունենք ընդամենը հինգ հոգի, 39-ից բարձր չունենք, 37-ից բարձր 34 հոգի։ 60-ից բարձր տարիքի անձինք 13-ն են, որոնցից ոչ մեկի ջերմությունը բարձր չէ, իրենց կյանքին վտանգ չի սպառնում։ Կարող եմ ասել, որ որևէ մեկի կյանքին վտանգ չի սպառնում»,- պարզաբանեց Արսեն Թորոսյանը։
Ըստ նախարարի՝ նույն տրամաբանությամբ շարունակվում է հոսպիտալացումը, այսինքն՝ եթե հաստատված դեպք է լինում, նրանց պահում են բժիշկների հսկողության տակ, իսկ կոնտակտավորների շրջանակը մեկուսացվում է հատուկ վայրերում, որոշ դեպքերում իրականացվում է ինքնամեկուսացում։ Ներկայացնելով աշխարհում տիրող իրավիճակը՝ Արսեն Թորոսյանն ասաց, որ կորոնավիրուսի օջախում՝ Չինաստանում բռնկումները հաջողվել է «մարել»։
Բայց Եվրոպայում բռնկումները ինտենսիվ շարունակվում են։