Ո՞վ չգիտի Անդրանիկի անունը (տեսանյութ)
Աջակցիր «Ա1+»-ինԱնդրանիկը մեր միակ հերոսն է, որին կենդանության օրոք ժողովուրդը երգեր է ձոնել։ Հիշեցնում է Չարենցի անվան գրականության և արվեստի թանգարանի տնօրեն, անդրանիկագետ Կարո Վարդանյանը՝ ընդգծելով, որ զորավարի 155 -ամյակը հրաշալի առիթ է, որպեսզի փորձենք քիչ, թե շատ ամփոփ ներկայացնենք մեր լայն հանրությանը։ Վաղը լրանում է Զորավար Անդրանիկի 155-ամյակը։
«Եթե այսօր Սյունիքը կա, որպես հայկական հող մենք առհավետ պարտական ենք Անդրանիկ զորավարին։ Անդրանիկը խնկարկելի է, խնկարկելի է մեզ համար , այն սեպը որ խրված է թուրքականության սիրտը, դրա համար ենք պարտական»,- հրավիրված ասուլիսին ասում է անդրանիկագետ Ռուբեն Սիմոնյանը։
Զորավարի կյանքի դրվագներն են ներկայացվում նրա «Օտարներն Անդրանիկի մասին» գրքում, որը լույս է տեսել վերջերս։
Կարո Վարդանյանը նշում է , որ Անդրանիկի անունը գիտի ամեն հայ, անգամ օտարներ․ նրա անունը հիմնականում ասոցացվում է մեր աներևակայելի խիզախության, քաջության, հրամանատարական հանճարի և ռազմական գործունեության հետ։
Մանրամասները՝ տեսանյութում
