A
A
Հենրիխ Մխիթարյանը հայտավորվել է «Ռոմայի» առաջիկա խաղին
Աջակցիր «Ա1+»-ինՀայաստանի ֆուտբոլի հավաքականի ավագ Հենրիխ Մխիթարյանը մեկամսյա ընդմիջումից հետո վերջապես հայտավորվել է իր թիմի՝ «Ռոմայի» առաջիկա խաղին:
Իտալական թիմի գլխավոր մարզիչ Պաոլո Ֆոնսեկան այսօր հրապարակել է «Բոլոնյայի» հետ նախատեսված առաջիկա հանդիպման նախնական կազմը: Դրանում ընդգրկված 23 ֆուտբոլիստների թվում է նաև Հենրիխ Մխիթարյանը:
Հիշեցնենք, որ մեր ֆուտբոլիստը վնասվածք էր ստացել հունվարի 5-ին «Տորինոյի» հետ խաղում, որից հետո նա բաց էր թողել վեց, այդ թվում «Յուվենթուսի» հետ երկու հանդիպումները:
Նշենք, որ «Ռոմա» - «Բոլոնյա» խաղը տեղի կունենա փետրվարի 7-ին, Հռոմի «Օլիմպիկո» մարզադաշտում, ժամը 23:45-ին: