Դատախազը՝ նիստից Քոչարյանի փաստաբանների բացակայելու մասին (տեսանյութ)
Աջակցիր «Ա1+»-ինՎերաքննիչ քրեական դատարանում կայացած նիստից հետո դատախազ Պետրոս Պետրոսյանը, մեկնաբանելով Քոչարյանի փաստաբանների բացակայությունը այսօրվա նիստին, ասաց, որ պաշտպանության կողմի իրավունքն է չներկայանալը։
Անդրադառնալով պաշտպան Հովհաննես Խուդոյանի նախորդ նիստի դիտարկմանը, թե իրենք համոզված են, որ դատարանը բավարարելու է դատախազության բողոքը, Պետրոսյանը պատասխանեց՝ իրենց ենթադրություններն ու սուբյեկտիվ գնահատականներն են, որոնք ինքը չի մեկնաբանում։
Դատախազը նշեց, որ դատարանի այս որոշումը վճռաբեկ դատարանով բողոքարկելու ընթացակարգ կա, և հետագայում վճռաբեկ դատարանը դիրքորոշումը կհայտնի։
«Այստեղ օրենքի բաց չկա, կա օրենքի միատեսակ ապահովվելու խնդիր, եթե վճռաբեկ դատարանը օրենքի միատեսակ կիրառելու խնդիր տեսնի, կընդունի վարույթ: Այս պահին Առաջին ատյանի և վերաքննիչ դատարանի որոշումը չենք կարող մեկնաբանե»,- ասաց նա:
Դիտարկմանը, թե կա՞ արդյոք Մարտի մեկի գործում մի հանգամանք, որ դատախազությունը ցանկանում է թաքցնել, դատախազը նշեց, որ մտավախություններ չունեն։ Ունեն մտահոգություններ, որը վերաքննիչ դատարանը փարատեց:
