Դոմինիկ Տիմը հաղթեց Ալեքսանդր Զվերևին և մտավ Ավստրալիա օփենի եզրափակիչ (տեսանյութ)

Թենիսի Ավստրալիայի բաց առաջնության տղամարդկանց մրցաշարի կիսաեզրափակիչ երկրորդ խաղում ավստրիացի թենիսիստ Դոմինիկ Տիմը կամային հաղթանակ տարավ գերմանացի Ալեքսանդր Զվերևի նկատմամբ՝ 3:6, 6:4, 7:6 (7:3), 7:6 (7:4)։

Հանդիպումը տևել է 3 ժամ 42 րոպե։ Ավստրիացի թենիսիստը վաստակել է 43 ակտիվ միավոր, թույլ տվել 40 սխալ։ Նրա մրցակցի ցուցանիշներն են ՝ 42 միավոր, 33՝ սխալ։

Դոմինիկ Տիմը եզրափակիչում կհանդիպի գործող չեմպիոն, սերբ Նովակ Ջոկովիչի հետ, որը կիսաեզրափակիչում պայքարից դուրս էր բերել շվեյցարացի Ռոջեր Ֆեդերերին։ Հանդիպումը տեղի կունենա փետրվարի 2-ին։

Thiem Supreme@ThiemDomi earns his way into a maiden #AusOpen final 3-6 6-4 7-6(3) 7-6(4) over Zverev to meet Djokovic for the title.#AO2020 | #AusOpen pic.twitter.com/EtzpDLDtgn

— #AusOpen (@AustralianOpen) January 31, 2020