A
A
Սպանդանոցները մսի պակաս ունեն․ մսավաճառները բողոքի ակցիա են անում (տեսանյութ)
Աջակցիր «Ա1+»-ինՄի խումբ մսավաճառներ եւ անասնապահներ հավաքվել են կառավարության շենքի առջև՝ բողոքի ակցիա իրականացնելու։ Պատճառը նոր օրենքն է, ըստ որի՝ մսավաճառները պետք է պարտադիր միսը գնեն սպանդանոցներից, ոչ թե տնային պայմաններում անասուն մորթողներից։
Մսավաճառներից Գառնիկ Խաչատրյանը «Ա1+»-ի հեզ զրույցում ասաց, որ սպանդանոցներ ոչ բոլոր մարզերում կան, սպանդանոցները մսի պակաս ունեն, և առանց համապատասխան պայմաններ ստեղծելու՝ իշխանություններն օրենք են ընդունել։
Հավաքվածների հետ զրուցում էր Սննդի անվտանգության պետական մարմնի պետ Գեորգի Ավետիսյանը, սակայն համաձայնության առայժմ չեն գալիս։
Վաղը մսավաճառները և անասնապահները նորից կհավաքվեն կառավարության մոտ։
Սննդի անվտանգության տեսչական մարմնի տեղեկատվության բաժնի պետք Անուշ Հարությունյանն «Ա1+»-ի հետ զրույցում ասաց, որ անհրաժեշտ թվով սպանդանոցներ առկա են, և որ ցուցարարներին հրավիրել են քննարկման, որին մասնակցել են նաև սպանդանոցների ներկայացուցիչները։
«Մենք նրանց հրավիրել էինք ժամը 14։00-ի հանդիպմանը, սակայն նրանք հրաժարվել էին։ Մենք հուշագիր ենք ստորագրել սպանդանոցների ներկայացուցիչների հետ»,- նշեց Հարությունյանը։
Վերջինս ասաց, որ ավելի ուշ ՍԱՏՄ-ի կայքում կհրապարակվեն սպանդանոցների հետ աշխատանքի պայմանների մանրամասները։
