«Դիանա Հարությունյան»-ը մենակ չէ և վերջինն էլ չէ․ քննարկում պատգամավորների մասնակցությամբ (տեսանյութ)
Աջակցիր «Ա1+»-ինԻր «ընկեր» ֆեյքերին հայ հանրությունը վերստին հիշեց ամանորի տոներին, երբ Ազգային անվտանգության ծառայությունը բերման ենթարկեց «Դիանա Հարությունյան» անունով հանդես եկող օգտատիրոջը,որը տղամարդ էր։
Հունվարի 3-ին «Դիանա Հարությունյան» ֆեյսբուքյան էջում տեղեկատվություն էր տեղադրվել , թե իբր Նիկոլ Փաշինյանը շնորհավորել է Դոնալդ Թրամփին իրանցի գեներալ Քասեմ Սուլեյմանիի սպանության համար։ Լուրն արագորեն տարածվել էր ադրբեջանական եւ իրանական լրատվամիջոցներով։
«Դիանա Հարությունյան»-ը կալանավորված է, բայց պատճառը, բնավ, ֆեյք՝ աղջկա անվան տակ հանդես գալը չէ։ Նա մեղադրվում է ազգային, ռասայական կամ կրոնական թշնամանք հարուցելու, ինչպես նաև համակարգչային տեղեկատվությանն ապօրինի տիրանալու հոդվածներով:
«Դիանա Հարությունյան»-ը կշարունակեր ապրել օնլայն տարածքում, եթե չլիներ վերջին դեպքը։
Ով է իրական «Դիանա Հարությունյան»-ը, առայժմ իրավապահները լռում են, բայց փաստ է, որ նա միակը չէ եւ ոչ էլ վերջինը։ Անանուն կամ կեղծանունով հանդես գալը մարդու իրավունք է:
«Ա1+»-ի հյուրերն են «Իմ քայլը» խմբակցության պատգամավոր Սարգիս Խանդանյանը եւ «Լուսավոր Հայաստան» խմբակցության պատգամավոր Անի Սամսոնյանը, որոնք եւս ունեն «ֆեյք ընկերներ»։ Ինչպես վարվել նրանց հետ։
Մանրամասները՝ տեսանյութում