Ես փաստաբան չեմ․ ՌԴ դեսպանը՝ Ռոբերտ Քոչարյանին պաշտպանելու վերաբերյալ (տեսանյութ)
Աջակցիր «Ա1+»-ինՀայաստանում ՌԴ արտակարգ եւ լիազոր դեսպան Սերգեյ Կոպիրկինի տարեկան ամփոփիչ ասուլիսի ժամանակ այսօր լրագրողներից մեկը հարց ուղղեց, թե Հայաստանում կա տեսակետ, որ «Մարտի 1-ի գործի» և այլ քրեական գործերի շրջանակներում հետախուզվող ՀՀ նախկին պաշտոնյաներին չարտահանձնելով՝ իրենք խոչընդոտում են Մարտի 1-ի գործի բացահայտմանը և պաշտպանում են Ռոբերտ Քոչարյանին:
«Ո՞րն է պատճառը, որ նախընտրում եք աջակցել, պատսպարել նրանց, քան թե համագործակցել Հայաստանի Կառավարության հետ»,- հարցրեց լրագրողը։
«Այդ հարցը ինձ համար քաղաքական չէ, այլ իրավական է։ Կան համապատասխան իրավական մեխանիզմներ, որոնցով երկու երկրների մասնագետները զբաղվում են այդ հարցով։ Եկեք նրանց հնարավորություն տանք դա անել»,- ի պատասխան լրագրողի հարցին՝ ասաց Հայաստանում ՌԴ դեսպանը։ Այնուհետև լրագրողը ևս մեկ հարց ուղղեց՝ «Դուք պաշտպանո՞ւմ եք Ռոբերտ Քոչարյանին», ինչին Սերգեյ Կոպիրկինն արձագանքեց․ «Ես փաստաբան չեմ»:
