«Այդքան անմարդկային ոնց կարելի է լինել»․ քննարկում (տեսանյութ)

Գլխավոր դատախազությանը կարծես «դուր չի գալիս»   դատապարտյալին խրախուսելը։   Համենայնդեպս, վիճակագրությունը այդ է վկայում։ Ըստ Հայաստանի Հելսինկյան կոմիտեի փաստաբան Ռոբերտ Ռեւազյանի՝   2019թ հոկտեմբերի 1-ի տվյալներով ՝   դատապարտյալների նկատմամբ   մոտ 1700 տույժ է սահմանվել, իսկ խրախուսանք՝  80։ Բայց սա չէ տարօրինակը, այլ այն, որ  դատախազությունը բողոքարկել է  տույժերից ընդամենը 3-ը, իսկ խրախուսանքների մոտ 20 տոկոսը։

Իրավապաշտպան Ժաննա Ալեքսանյանը նկատում է, եթե անգամ Արդարադատության նախարարությունը փորձում է  պատժիչ մոդելից անցում կատարել վերականգնողական մոդելին, «գլխավոր դատախազությունը  նրանց բոլոր ջանքերը պարզապես կասեցնում է»։

Ինչու է  այդպիսի քաղաքականություն որդեգրել Գլխավոր դատախազությունը։ Խրախուսանքը պայմանական վաղաժամկետ ազատվելու  հնարարավորություններն ավելացնում է, այդպիսով՝ նաեւ հույս տալիս դատապարտյալին։

Ժաննա Ալեքսանյանը օրինակներ է բերում եւ ընդգծում․ «Այդքան անմարդկային ոնց կարելի է լինել»։

Նա նաեւ հիշում է մի դատապարտյալի հետ կապված նախկին զինդատախազ Գագիկ Ջհանգիրյանի պատասխանն իրեն , ընդ որում՝ սա նա հնչեցնում է առաջին անգամ։

Մանրամասները՝  տեսանյութում