Ընդդեմ Հանրային հեռուստաընկերության դատը Հ1-ի նախկին լրագրողները շահել են
Աջակցիր «Ա1+»-ինԵրևանի վարչական դատարանը բավարարել է Հանրային հեռուստաընկերության նախկին լրագրողներ Լիանա Կարապետյանի և Սիրանույշ Մուրադյանի հայցն ընդդեմ Հանրային հեռուստաընկերության։
«Ա1+»-ի հետ զրույցում նրանց փաստաբան Տիգրան Ղազարյանն ասաց, որ հայցն ամբողջությամբ բավարարվել է․ հիմնական պահաջը, որ ուղղված էր Հեռուստառադիոընկերության խորհրդին և ածանցյալ պահանջը, որն ուղղված էր «Հ1»-ին։
««Հ1»-ին ուղղված պահանջն այն էր, որ Հայաստանի Հանրային հեռուստաընկերության գործադիր տնօրեն Մարգարիտա Գրիգորյանի՝ աշխատանիքից ազատման հրամաններն անվավեր ճանաչվեն»,- նշեց փաստաբանը։
Հարցին, թե դրամական փոխհատուցում պահանջել էին, Ղազարյանը պատասխանեց, որ դա հետագայում պարզ կլինի, քանի որ դատարանի վճիռն օրինական ուժի մեջ է մտնում 1 ամսից․ այսինքն՝ պատասխանող կողմը 1 ամիս ունի բողոքարկելու համար․ «Մնացածն արդեն ենթադրվում է, որ դրամական փոխհատուցումներ կլինեն»։
Դիտարկմանը, թե հարկադիր պարապուրդի՞ դիմաց, փաստաբանը դրական պատասխան տվեց՝ ավելացնելով, որ նաև կա վարչարարության պատճառած վնաս, որը ՀՌՀԸ-ն է պատճառել ու պետք է փոխհատուցի։
ՀՌԸԽ դեկտեմբերի 25-ի որոշմամբ կրճատված հաստիքները, ըստ փաստաբանի, հայցվոր կողմի հիմնական պահանջով վերականգնվել են, իսկ ածանցյալ պահանջով Մարգարիտա Գրիգորյանի հրամանն անվավեր է ճանաչվել։
