A
A
Հայաստանի Մ-19 հավաքականն արժանացել է «Արդար խաղի» մրցանակի
Աջակցիր «Ա1+»-ինՖուտբոլի Հայաստանի Մ-19 հավաքականն այսօր արժանացել է Եվրոպայի մինչև 19 տարեկանների առաջնության «Արդար խաղի» մրցանակին։ Այդ մասին հայտնում է Հայաստանի ֆուտբոլի ֆեդերացիայի մամուլի ծառայությունը։
Յուրաքանչյուր մրցաշարից հետո ՈՒԵՖԱ-ն հրապարակում է առաջնության «Արդար խաղի» դասակարգումը (Respect Fair Play ranking), որը ձևավորվում է առաջնության ընթացքում թիմերի ցուցաբերած կարգապահության և միմյանց նկատմամբ հարգանքի հիման վրա։
Շվեյցարիայի Նիոն քաղաքում կայացած պաշտոնական արարողության ժամանակ ՈՒԵՖԱ-ի Գլխավոր քարտուղար Թեոդոր Թեոդորիդիսը մրցանակը հանձնել է Հայաստանի Մ-19 հավաքականի ավագ Արսեն Եղիազարյանին:
Հիշեցնենք, որ Եվրոպայի Մ-19 առաջնության եզրափակիչ մրցաշարն անցկացվել է Երևանում, հուլիսի 14-27-ը։