A
A
Ղարաբաղի հարցում փոխզիջումների հասնելու հնարավորություններ կան․ Լավրով
Աջակցիր «Ա1+»-ինՌԴ արտաքին գործերի նախարար Սերգեյ Լավրովը Բաքվում ադրբեջանցի գործընկեր Էլմար Մամեդյարովի հետ տեղի ունեցած հանդիպման ժամանակ նշել է, որ Ղարաբաղի հարցում փոխզիջումների հասնելու հնարավորություններ գոյություն ունեն, գրում է ադրբեջանական Minval.az-ը։
«Մենք հասկանում ենք, որ փոխզիջումների հասնելու տարբերակներ գոյություն ունեն: Գործը հեշտ չէ, հակամարտությունն ամենաերկարատեւներից մեկն է նախկին ԽՍՀՄ տարածքում: Բայց մենք երախտապարտ ենք մեր ադրբեջանցի գործընկերներին, որ Ռուսաստանի կողմից որպես ԵԱՀԿ Մինսկի խմբի անդամ առաջ բերված գաղափարներն ըմբռնում են գտնում Ադրբեջանում»,- ասել է Լավրովը։
Նրա խոսքով՝ այսօրվա եւ նախորդ օրվա իր շփումները թույլ են տվել ավելի լավ հասկանալ, թե ինչպես է պետք փորձել առաջ շարժվել։
«Հուսով եմ, արդյունք կլինի»,- ասել է Լավրովը։