Ինչպիսի՞ տեսք կունենա գլխավոր տոնածառն այս տարի (տեսանյութ)
Աջակցիր «Ա1+»-ինՄայրաքաղաքում մեկնարկել են գլխավոր տոնածառի տեղադրման աշխատանքները։
Նախորդ տարի Երևանում տեղադրվեց նոր տոնածառ։ Այս տարի նույն տոնածառը կտեղադրվի, այն նույն տեսքը կունենա։
Այդ մասին «Ա1+»-ին փոխանցեց Երեւանի քաղաքապետի մամուլի խոսնակ Հակոբ Կարապետյանը։
«Մենք անցյալ տարի ասել ենք, որ այս տոնածառը մի քանի տարվա համար է, բայց հրապարակը և հարակից տարածքները շատ շքեղ և միանգամայն նոր ձևավորում են ունենալու»։
Հավելյալ գումարներ ծախսվելու են միայն տոնածառի տեղադրման համար, առանձին հատկացումներ նախատեսված չեն։
Նշենք, որ Կառավարության որոշմամբ՝ Երևանում «Ամանոր 2020» միջոցառումների իրականացման համար 271 միլիոն դրամ է հատկացվելու։
Կարապետյանը տեղեկացրեց, որ հրապարակի նոր զարդարանքն իրականացվելու է այդ եւ եւ Երևանի բյուջեով ի սկզբանե հատկացված գումարներից։
Մայրաքաղաքում իրականացված հարցումների համաձայն՝ շատերը սպասում են մայրաքաղաքի տոնական նոր տեսքին և կարծում, որ արժե գեղեցիկ և տոնական տեսք ապահովելու համար ծախսել որոշակի գումարներ։
Հիշեցնենք, որ 2005 թվականից ի վեր առաջին անգամ նախորդ տարի մայրաքաղաքում տեղադրվեց նոր տոնածառ, որի համար հատկացվել էր 71 միլիոն դրամ։