Բացել լրահոսը Փակել լրահոսը
A A
Հասարակություն

Մոսկվացի հանդիսատեսն արտասվեց «Ա1+»-ի՝ «Արարատի հայացք»-ից, իսկ ստեղծագործական խումբը շքանշանի արժանացավ (տեսանյութ)

«Ա1+»-ի՝ «Արարատի հայացքը» ֆիլմը հուզել է մոսկվաբնակներին։ Նրանք եկել էին մասնակցելու ֆիլմի պրեմիերային։ Հանդիսատեսը չէր թաքցնում արցունքները՝ ընդգծելով, թե ինչքան սեր կա այս ֆիլմում։

Ֆիլմ-էսսեն ստեղծագործական խմբի մոտ մեկ տարվա աշխատանքի արդյունքն է, եւ այն երեւանյան հանդիսատեսին ներկայացվել է նախորդ  տարի՝ Երեւանի 2800-ամյակի  առիթով։

Ֆիլմը  ներկայացնում է  Երեւանի պատմությունը՝  բոլորովին նոր ձեւաչափով։  

Մոսկովյան  պրեմիերիային Երեւանից  ներկա  էին ֆիլմի պրոդյուսեր, գաղափարի հեղինակ,  «Ա1+»-ի տնօրեն Մեսրոպ Մովսեսյանը,  օպերատոր եւ ռեժիսոր Վահագն Տեր-Հակոբյանը եւ  գաղափարի ու սցենարի համահեղինակ Ռուզաննա Մկրտչյանը։

Ներկա էր նաեւ  Հայ-ռուսական բարեկամության միության նախագահ, Ռուսաստանի Գրողների եւ լրագրողների միության անդամ Վիկտոր Կրիվոպուսկովը, որը պարգեւատրեց ստեղծագործական խմբին «Վալերի Բրյուսով» շքանշանով՝ ժողովուրդների միջև մշակութային և հումանիտար կապերի զարգացման մեջ մեծ ներդրում ունենալու համար։

Նա շտապեց ընդգծել, որ սա եզակի պարգեւ է, եւ «պարգեւատրվում են միայն արժանավորները»։

Ժամանակին այս շքանշանով պարգեւատրվել է  բարոնուհի Քերոլայն Քոքսը։

 Հիշեցնենք, որ «Արարատի հայացքը» մեծ էկրանի համար «Ա1+»-ի առաջին ֆիլմն է։