ՍԴ դատավորի վերջին ընտրությունները քաղաքական պայմանավորվածությունների արդյո՞ւնք էր, թե՞ ոչ. Ալվինա Գյուլումյան․ Aravot.am (տեսանյութ)
Աջակցիր «Ա1+»-ինԱյսօր «Իրազեկ քաղաքացիների միավորումը» «Սահմանադրական դատարանի շուրջ ստեղծված իրավիճակը եւ լեգիտիմության խնդիրները» թեմայով հանրային քննարկում էր կազմակերպել, գրում է aravot.am-ը:
«Հելսինկյան քաղաքացիական ասամբլեայի Վանաձորի գրասենյակի» ղեկավար Արթուր Սաքունցն ասաց, որ ՍԴ-ի հարցում մի ելակետ կա՝ տեղի՞ է ունեցել հեղափոխություն, թե՞ ոչ. «Եթե իշխանափոխություն է լինում, տրամաբանական է, թե ինչո՞ւ պետք է մյուս ինստիտուտները չշարունակեն գործել:
Բայց եթե մենք ելնում ենք այն սկզբունքից, որ տեղի է ունեցել հեղափոխություն, ապա այդ դեպքում անխուսափելիորեն հարց է առաջանում՝ բա ինչո՞ւ տեղի ունեցավ դա»: Ըստ Սաքունցի, պետական մարմինների լեգիտիմության կարեւոր երաշխիք է Սահմանադրության լեգիտիմությունը. «Իհարկե, թղթի վրա ամեն ինչ ճիշտ է տարբերակը մեզ չգոհացրեց»:
Սաքունցն օրինակներ բերեց ՍԴ-ի կայացրած քաղաքական որոշումներից ու վստահեցրեց, որ ՍԴ-ի նկատմամբ վերաբերմունքն էլ քաղաքական պայմանավորվածության համատեքստում է: Սաքունցը ՍԴ-ի շուրջ ստեղծված իրավիճակի համար իր լուծումն ունի՝ Սահմանադրական հանրաքվե անցկացնել այս հարցով՝ ՍԴ-ն ցրել՝ օրենքի ուժով ու նորից հավաքել:
ՍԴ անդամ Ալվինա Գյուլումյանը հայտարարեց. «Ինչ վերաբերում է քաղաքական պայմանավորվածություններին, ես ձեզ ընդամենը մի հարց տամ՝ ՍԴ դատավորի վերջին ընտրությունները քաղաքական պայմանավորվածությունների արդյո՞ւնք էր, թե՞ ոչ»: Սաքունցը հաստատեց՝ այո, քաղաքական պայմանավորվածության արդյունք էր: