Ձեզ չի հաջողվելու մեզ ցուցում տալ. մենք մնալու ենք հաստատ. Միքայել Մելքումյան (տեսանյութ)
Աջակցիր «Ա1+»-ին«Բարգավաճ Հայաստան» խմբակցության պատգամավոր Միքայել Մելքումյանը չի ընդունում, որ «Իմ քայլը» խմբակցության պատգամավոր Վլադիմիր Վարդանյանի հայտարարությունը, թե խմբակցություններն առանց հիմնավորելու դեմ կամ ձեռնպահ են քվեարկում:
«Պարոն Վարդանյան, դուք ի՞նչ իրավունքով եք ցուցում տալիս երկու քաղաքական ուժի, որ նրանք պետք է հիմնավորեն Ձեզ, թե ոնց են քվեարկելու, դրա իրավունքը չունեք Դուք: Ինչպես Դուք եք մերժում, ես չեմ ասում այդ մերժումների համար ենք մենք մերժում, ամեն ինչ իր հիմնավորումն ունի, կա քաղաքական և մասնագիտական որոշում: Մենք պետք է վերաիմաստավորենք մերժումների և քննարկումների որակը: Ո՞վ է ասել, որ Կառավարության և այլ օրենքները շատ որակյալ են, մենք, որ կողմ ենք քվեարկում մեր կուսակցական շահը ստորադասում ենք պետական շահից»,- ասաց պարոն Մելքումյանը:
«Երեկ որտեղ գնացի, հարցրեցին՝ ի՞նչ է կատարվում, երեկ մեր պատգամավորը ազատ հարցադրում կատարեց, 20 հոգի կազմակերպված հակադարձեց ելույթին, երբ որ Գևորգ Պետրոսյանը խոսում է, այն մեր խմբակցության տեսակետն է, մենք կողմ ենք դրան: Դուք ուզում եք ցուցումնե՞ր տալ մեզ, չի հաջողվելու, մենք մեր տեսակետները արտահայտելու ենք, որովհետև եթե դուք այդ ճանապարհով գնաք, դուք պառլամենտական ժողովրդավարության գործընթացի ճգնաժամի սկիզբը կդնեք, ինչը ձեզ չի հաջողվելու: Հեղափոխությունների ժամանակ մակընթացությունները և տեղատվությունները շատ էին, կգան մակընթացություններ և տեղատվություններ, խոշորները մնում են և՛ հեղափոխությունից առաջ, և՛ հետո, մենք մնալու ենք հաստատ»,- հայտարարեց Միքայել Մելքումյանը:
