«Բացասական ելույթ չենք լսել»․ ԱԺ նախագահը չի մասնակցի ԱԽ նիստերին
Աջակցիր «Ա1+»-ինԱզգային ժողովի նախագահի մասնակցությունը Անվտանգության խորհրդի նիստերում ապահովելու մասին օրենքի նախագիծը չընդունելուց հետո «Իմ քայլը» խմբակցության պատգամավոր Վլադիմիր Վարդանյանը ելույթ ունեցավ և ընդգծեց, որ տարբեր առիթներով անընդհատ խոսվում է խորհրադարանի դերի բարձրացման մասին, բայց դրան առնչվող նախագիծը ԱԺ-ն չի ընդունում:
«Մենք ինչո՞վ ենք առաջնորդվել օրինագիծը կազմելիս, առաջնորդվել ենք նրանով, որ այս կամ այն սուբյեկտի ներգրավման անհրաժեշտությո՞ւնը կա, որովհետև այդպես ենք ուզում, թե՞ առաջնորդվել ենք նրանով, որ դա անհրաժեշտ է Ազգային ժողովի բնականոն գործունեությունը ապահովելու համար: Երեկ ԱԺ-ում քննարկեցինք այս նախագիծը, և բոլոր քաղաքական ուժերը իրենց ելույթներով սատարեցին նախագիծը, բացասական ելույթ չենք լսել: Ենթադրում էինք, որ վարման կարգով ելույթ կունենանք, կասեք՝ որ լավ առաջարկ է, միանում ենք, բայց դրա փոխարեն «Լուսավոր Հայաստան» խմբակցությունը դեմ է քվեարկում առանց հիմնավորման, իսկ «Բարգավաճ Հայաստանը» ձեռնպահ է քվեարկում նույնպես առանց հիմնավորման»,- նշեց նա: