Հայաստանի կարատեիստները 7 ոսկե մեդալ են նվաճել Եվրոպայի առաջնությունում
Աջակցիր «Ա1+»-ինՌուսաստանի Օդինցովո քաղաքում կայացած ավանդական կարատեի մեծահասակների Եվրոպայի 34-րդ առաջնությունում և մանկապատանեկան գավաթի 6-րդ խաղարկությունում Հայաստանի կարատեիստները նվաճել են 7 ոսկե մեդալ: Այդ մասին տեղեկացնում է ՀՀ ԿԳՄՍ նախարարության մամուլի ծառայությունը:
14-15 տարեկանների խմբում Եվրոպայի չեմպիոն են դարձել Արսեն Մխիթարյանը (երկամարտ) և Մարատ Հարությունյանը (կատա)։ 16-17 տարեկանների խմբում ոսկե մեդալ են նվաճել Էրիկ Հովսեփյանը, Արման Կարախանյանը և Արմեն Զազյանը (թիմային կատա)։
Մեծահասակների խմբում (21-55 տարեկաններ) Եվրոպայի չեմպիոնի կոչումը նվաճել են 2016 թվականի աշխարհի չեմպիոն Նարեկ Իսկանդարյանը և Տիգրան Գևորգյանը։
Մեր կարատեիստները հանդես են եկել Հայաստանի հավաքականի մարզիչ Գոռ Ավագյանի գլխավորությամբ: Պատվիրակությունը ղեկավարել է Ավանդական կարատեի ֆեդերացիայի նախագահ Սուրեն Մաթևոսյանը (սև գոտի 5-րդ դան):
