«Եվրահանձնաժողովը մտահոգ է կարմրուկի վերջին դեպքերով» (տեսանյութ)
Աջակցիր «Ա1+»-ինԵվրոպական հանձնաժողովի ներկայացուցիչ Էմմանուել Ռուրը ելույթով հանդես եկավ Եվրամիություն-Հայաստան համագործակցության շրջանակներում գումարված «Զբաղվածության և սոցիալական հարցերի, առողջապահության, վերապատրաստման, կրթության և երիտասարդության, մշակույթի, տեղեկատվական հասարակության և աուդիովիզուալ քաղաքականության, գրության և տեխնոլոգիաների հարցերով» ենթակոմիտեի նիստին։
«Եվրահանձնաժողովը մեծապես մտահոգ է կարմրուկի վերջին դեպքերի մասին»,- ասաց նա։
ԵՀ հանձնաժողովի ներկայացուցիչը նշեց, որ Հայաստանն 96 տոկոսով կանխարգելել է այս հիվանդությունը։ Կարմրուկի խնդիրը, ըստ Ռուրի, լուրջ մարդատահրավեր է նաև ԵՄ երկրների, նաև ամբողջ աշխարհի համար։
Նոյեմբերին, ԵՀ ներկայացուցչի խոսքով, կկազմակերպվի տարածաշրջանային մեծ մանրէաբանական թեմայով աշխատաժողով։
«Հայաստանից 6 փորձագետի կառաջարկվի միանալ աշխատաժողովին, և այն կկազմակերպվի Հորդանանում՝ հարևանության բոլոր երկրների մասնակցությամբ։ Սա շատ մեծ միջոցառում է, և այն ցույց է տալիս մեր հանձնառությունը՝ մեր գործընկերների հետ քննարկելու հակամանրէային դիմադրության խնդիրները։ Երեքը կվերաբերեն մարդու առողջությանը, երեքը՝ անասնաբուժական ոլորտին»,- ընդգծեց նա։
Անդրադառանալով ծխախոտի խնդրին՝ Էմմանուել Ռուրը ասաց, որ ԵՄ-ն մեծապես հանձնառու է ծխախոտի օգտագործման կանխարգելման հարցում ու խրախուսում է իր բոլոր գործընկերներին՝ կանխարգելման կամ կրճատման ուղղությամբ քայլեր ձեռնարկելու և ստանձնելու համապատասխան ներքին ընթացակարգեր։
