Սաշիկն էդ ընտանիքի ամենաանմեղ դեմքն է․ Փաշինյան (տեսանյութ)
Աջակցիր «Ա1+»-ինՎանաձորում ընթացող մամուլի ասուլիսի ժամանակ վարչապետ Նիկոլ Փաշինյանին հարց տվեցին բանկային գաղտնիքի մասին նոր օրենքից։
Լրագրողը հարցրեց, թե արդյոք հնարավո՞ր է, որ Կառավարությունը հետ կանգնի դրանից և արդյոք սրանով իշխանությունները քաղաքական նպատակնե՞ր են հետապնդում։
Փաշինյանը պատասխանեց, որ հնարավոր չէ։
«Բոլոր նրանք, ովքեր այս որոշման հետ կապված ուղղակի աղմուկ են բարձրացնում, այդ աղմուկը բարձրացնելու հիմքեր չունեն»,- նշեց գործադիր իշխանության ղեկավարը։ Օրինագծի շրջանառումը վարչապետը դիտարկեց կոռուպցիայի դեմ պայքարի և հանրային պահանջի կոնտեքստում։
Նա նաև անդրադարձավ Սերժ Սարգսյանի եղբայր Ալեքսանդր Սարգսյանի գումարներին․ «Սաշիկն էդ ընտանիքի ամենաանմեղ դեմքն է»,- ասաց նա։
«Կոռումպացված փողերը», վարչապետի խոսքով, մինչև վերջին կոպեկը հետ են բերվելու։
